小天才Z5H　兒童「智」愛

兒童電話手錶大牌小天才，最近行貨正式引入新型號Z5H。新錶外形運動向，雙色設計相當型格，驟眼睇更似成人的運動手錶。Z5H同時支援20米防水，但留意不適用於淋浴。操作方面，備有1.41吋彩色觸控屏幕，以滑動操作介面，唔難上手。

作為電話手錶，最重要當然是通訊功能，只要插入SIM卡，並於《小天才》App內新增指定聯絡人後，即可傳送訊息、進行語音或視像通話。當中訊息功能豐富，包括語音訊息、相片、短片、變聲音效以及Emoji，相當好玩。

手錶定位方面，Z5H支援GPS追蹤功能，手錶上連接網絡時，家長可於App內即可查閱手錶位置，小朋友去到邊都無所遁形！此外，新錶內置「上堂禁用」功能，指定時間內即時鎖定手錶所有功能，小朋友肯定冇機會沉迷玩手錶。值得一提是，Z5H備有「積分等級」，可以透過完成交好友、計步等任務賺分數升級。