小朋友一定Like　腸仔煙肉小圓餅

暑假還有個零星期就完，一於趁機衝刺，大小朋友盡情享受親子樂。現任中環一間高級法國餐廳總廚的賴震環（Chef Lai），熱愛工作之餘，亦好珍惜與家人忙裏偷閒的時光，不時都會與太太高緻欣（Lolly）一起研究健康又美味的食譜。今日就教大家炮製一道小朋友一定喜歡吃的腸仔煙肉小圓餅，利用班戟的配方，加炒香的煙肉及腸仔肉碎，煎成一個鹹味小圓餅，再在中間加入車打芝士，令小圓餅吃起來口感更加豐富多變。

材料：

橄欖油　2湯匙

煙肉　2片

腸仔　1條

麵粉　120克

雞蛋　1隻

原味乳酪　50克

車打芝士　30克

清水　70毫升

鹽　少許

做法：

1. 煙肉切幼粒，腸仔去衣。用1湯匙橄欖油起油鑊，炒香煙肉及腸仔肉碎。

2. 混合麵粉、雞蛋、原味乳酪、清水及鹽成麵糊。將煙肉及腸仔肉碎加入麵糊中拌勻；車打芝士切成薄片。

3. 用剩餘的橄欖油起鑊，加入麵糊煎熟成小圓餅。在兩塊小圓餅中間加車打芝士片，再略煎至芝士溶化即成。