【美國直擊】一見愛上!第5代Apple Watch陶瓷白

20190912
東網電視
更多新聞短片
Apple Watch愈出愈靚,圖為新一代Series 5。(陳志滔攝)
Apple Watch愈出愈靚,雖然Series 5維持40mm及44mm兩款尺寸,但就首度加入鈦金屬錶殼,質地輕、強度高。另外白色精密陶瓷物料也再度回歸,現場睇有一種簡約無菌感覺,高貴典雅,令人一見愛上。可惜兩款新錶殼都賣到好貴,唔係人人負擔得起!
新錶另一賣點是Always-on Retina屏幕,屏幕在閒置時不會熄滅,會改以一個較低彩度的錶面呈現,用戶毋須提起手腕或輕觸屏幕就睇到時間,更方便跑步或瑜伽時使用。而為了保證長着後足夠使用一天,錶身特設LTPO屏幕技術,屏幕更新率會隨需要改變,最慢達致1Hz,令耗電量減至最低。
全新指南針App是亮點之一,雖然iPhone很早就有,但移植至手錶就更實用,既可直接開啟辨別方向,也可配合地圖搵路、搵餐廳,最正是連星座圖都睇到,得閒玩吓天文知識激增!特別一提,新錶支援全新Apple Research app,登記用戶可將生理數據交予健康機構作研究,透過大數據提升研究效果,資料全部保密,可以放心。
同場推出的還有新iPad,內置10.2吋Retina屏幕,比舊型號提升2.5倍亮度及3.7倍可視角度。從機側兩側觀看,畫面依然清晰,沒有偏色問題,適合成班人一齊睇片。內置的是較舊的A10 Fusion晶片,提供2倍效能躍升,玩AR也保持流暢。新iPad也追加了一些iPad Pro才有的功能,例如支援第一代Apple Pencil,用筆從左下角往上拖拉即可擷圖;另外又有Smart Connector接駁鍵盤之用,完全為文書處理而設。
【醒你全新iPhone出機小貼士】最緊要3個字 ─ 著數多!據聞去 csl 上台買機送換機服務,下年再想換新機話咁易!http://bit.ly/2ks3C2h