【靚人靚景】美女戰士　關島大解放

日本嘅戰隊特攝電視劇集風靡年輕人，其實成年男士亦鍾意睇，唔單止係想搵番童年回憶，而係近年戰隊劇集當中除咗有勇武嘅男戰士，亦有性感嘅女奸角，當然亦有可愛嘅女戰士啦！最近推出寫真集嘅大久保櫻子，就係喺2017年憑演出《宇宙戰隊九連者》嘅女戰士蝘蜓綠而火速成名，近期則主要演出電視節目為主。

為咗慶祝今年踏入21歲，大久保櫻子特別飛到去關島取景拍攝，炮製首本個人寫真集《SAKURAKO》作為紀念。當中櫻子作出出道以來最性感及最具挑逗性嘅演出，包括以內衣Look登場，亦會嚟個三點不露嘅赤裸上陣，大家可以盡情欣賞呢位女戰士嘅可愛面孔同表情，亦可以飽覽櫻子罕有地露出嘅誘人身材！

【醒你全新iPhone出機小貼士】最緊要3個字 ─ 著數多！據聞去 csl 上台買機送換機服務，下年再想換新機話咁易！http://bit.ly/2ks3C2h