趣怪一點：擔把遮仔　幫手機遮風擋雨

手機已成為大家身體嘅一部分，梗係要無時無刻好好保護啦！特別係落雨的日子，萬一唔小心雨水滴落手機，搞到手機壞咗，真係仲慘過自己畀雨淋濕。如果有一把專為手機而設嘅雨傘，幫手機遮風擋雨你話幾好呢？

喺外國就有人發明咗一把專為手機而設嘅有型雨傘，據講把雨傘係根據人體工學而設計，使用時只須將雨傘夾喺手機頂部，就可以防止雨水滴濕手機。即使冇落雨嘅日子，都可當手機裝飾搶Fo，幫你成功引起話題。