【深夜字聊】性教育者　一書為你解決性愛疑難

臨床性學家、性教育者兼自稱女權主義女作家Gigi Engle推出新書《All the Fxxxxxx Mistakes》，全書384頁唔算好厚，用字亦唔深，唔好以為又係叫男女要互相尊重，坦承溝通嘅廢噏，反而係呼籲女性要多多自摸，嘗試喺不同環境、情況或時間下習慣享受快感，除咗可以喚醒「沉睡」嘅高潮，更可鍛煉自己隨時進入作戰狀態，令沉悶嘅性生活帶來更多樂趣。另外，喺重複又重複嘅自摸過程中，可以體會能到達甚麼境界，對於同伴侶交手時有妙不可言嘅益處。

其實呢本書主要係畀女人睇，之不過作者滲入好多「曲線」去指摘男人只顧住啪啪啪嘅肉慾快感，到問題出現又唔解決，一味將問題推卸喺女伴身上，關係愈嚟愈差，甚至唔再執劑，好大原因都係同男人有關！