決性11點:好Pure浴友關係 你接受到嗎?

20191112
東網電視
更多新聞短片
「浴友」(オフレ)呢種關係真係匪夷所思。(互聯網)
男女之間嘅朋友關係有好多種,例如可以一齊打機,一齊飲酒,一齊睇戲等,之但係講到可以共浴嘅男女性朋友關係,就未免太過匪夷所思。日本最近就出現咗一個名為「浴友」(オフレ)嘅詞語,據稱佢係「浸浴朋友」(お風呂フレンド)嘅簡稱,意思係指男女雙方冇任何戀人或肉體關係,純粹一齊沖涼,而呢種關係嘅男女數量近年仲愈嚟愈多,有調查稱每五個人中,就有一個有浴友。雖然日本有混浴傳統,但呢種關係卻非所有日本男女都能接受。有人就話呢種赤條條一齊沖涼嘅關係,咪即係同炮友嘅意思差唔多,有人就話雖然自己唔會亂嚟,但好難控制唔會有生理反應。不過有異性浴友嘅人卻稱,因為一個人沖涼好寂寞,有個傾得埋嘅異性一齊沖涼感覺會好好多。唔……請問呢種浴友點搵呢?