決性11點：英國農民　「戰鬥力」最強？

有啲調查睇完得啖笑就夠，認真便輸了。話說瑞典情趣用品品牌LELO，最近喺英國做咗個關於唔同行業人士，喺性愛頻繁度及性愛表現嘅調查，結果最常親熱嘅行業係農民，皆因佢哋當中有超過33%嘅受訪者，每日至少親熱一次。至於第二名順序數落去，分別係建築師、理髮師、廣告業從業員。至於邊種行業最多人認為自己嘅性愛表現勁到令人難以置信，排名第一嘅仍係農民，當中有67%表示佢哋性愛表現超強，跟住落嚟分別係有63%嘅醫生，43%嘅建築師，及40%嘅記者。性學家Kate Moyle認為農民之所以性愛咁積極，可能係同佢哋經常要進行體力活動有關，相對辦公室工作嘅人，佢哋有更強健嘅身體同精力。另外工作時間同環境，亦係影響性生活嘅因素。