決性11點：豪飲男人　原來更吸引？

成日聽女士話「唔滾、唔煙、唔酒」嘅男人至係理想男友。前兩者聽落好有道理，只係後者卻有待商榷，皆因美國學術雜誌《Evolutionary Psychology》最近有研究文章稱，對女士嚟講，豪飲嘅男士更具吸引力。豪飲男點解會吸引到女性呢？文章嘅研究員解釋有兩個原因：第一，能夠豪飲嘅男士畀到女性一種暗示，就係佢哋嘅身體夠強壯，而呢個亦係一個性信號；第二，從進化論嘅角度嚟睇，暴飲暴食係一種經濟能力嘅展現，皆因有另一項研究指，喺全球富人群體暴飲暴食嘅情況相當普遍，因此對某啲女士嚟講更具吸引力。點先至算係豪飲呢？根據英國嘅標準，女性飲超過4杯，而男士則飲超過5杯就算豪飲。不過都要提醒大家，揸車唔飲酒，飲酒唔揸車，同埋豪飲對健康唔好。