本日日本：木村新劇料理 真係有得食
20191119
東網電視
更多新聞短片
（互聯網）
由木村拓哉主演、作為今年秋季日劇重點作品之一的《摘星廚神》（Grand Maison東京），你睇咗未呀？套戲講木村飾演法國菜廚師，除咗好型仔咁下廚之外，佢不拘一格的創意料理亦經常睇到人口水猛流！想品嘗一下劇中料理味道的話，現在有機會了—專門提供性價比超高的法國菜連鎖餐廳「俺のフレンチ」跟《摘》劇大搞聯乘，啱啱又推出了第五集中出現的料理薯仔蓉焗牛肉（Hachis Parmentier）！話說該餐廳早前已推出了第一集以用5種肉類精心烹調的肉蔬熏香黃金飯，今次再接再厲推出以紅酒炖牛尾，再結合糖漬栗子、磨菇及混合了洋梨醬的薯仔蓉烤焗而成的薯仔蓉焗牛肉，據講是法國人的傳統家庭料理，除了味道精彩外，睇過《摘》劇的朋友更會想起木村與徒弟玉森裕太兩師徒的深厚感情。這道聯乘料理可於俺のフレンチTokyo、俺のフレンチ 銀座コリドー街、俺のフレンチ・イタリアン 青山等10間分店享用，售1,480日圓。