今晚食乜：麩質敏感都食得嘅意粉

有麩質敏感的朋友，平常都無咩機會可以食意粉，上環素食超市及餐廳的營養學家黃思穎（Jade）就教大家改用藜麥意粉和純素豬肉來炮製「膳良豬肉醬意粉」。Jade指藜麥意粉的質感較普通的意粉為硬，故煮的時間會需要耐一點，先烚至半熟，最後放入純素豬肉的番茄醬汁來煮至熟，如果發現太乾，不妨加點意粉水來煮，這樣亦有助意粉掛汁，完成後最好趁熱食，就唔怕放涼後質感變硬。

材料：

藜麥意粉　125克

洋葱粒　1/4個

甘筍粒　半條

番茄粒　半個

茄膏　2湯匙

鹽　少許

糖　少許

純素豬肉　半包

橄欖油　少許

做法：

1.意粉按包裝指示的烚煮時間減半來烚煮；純素豬肉解凍，備用。

2.燒熱橄欖油，放入甘筍粒、洋葱粒炒約15分鐘。

3.加入純素豬肉、茄膏和番茄煮勻。

4.加糖、鹽、少許意粉水，放入半熟意粉煮至全熟。

5.待醬汁煮至濃稠便成。