趣怪一點：聲控Emoji板　點綴愛驅

好多車主都希望愛驅與別不同，除了換包圍、改裝，其實仲有方法。呢款名為Mojipic的產品，其實係一個專為汽車而設的屏幕，屏幕設有32×32顆LED，並設有兩個吸盤，可以將Mojipic固定於車窗上。LED屏幕可以直接經藍牙與手機連動，透過專用App即可選擇超過1,500個預設的Emoji圖案、GIF動畫等，用家亦可於App內自訂顯示內容。最過癮就係支援Siri等語音控制，邊揸車都可以邊換圖案。另外，Mojipic亦內置8-Bit小遊戲，可以為乘客解悶。