【深夜字聊】女性幸福靠盆骨

健康常識題，男人腰骨最重要，咁女人呢？咪盆骨囉！正確啲講，係「盆骨底肌肉」先啱，位置由恥骨向後伸展至尾龍骨，分三部分圍繞住尿道、陰道和直腸，搞清楚生理結構後，就要瞭解吓點解咁重要喇！

由於盆骨底肌肉鬆弛係女人嘅大忌，除咗影響外觀，更嚴重影響性趣以及交歡感覺。咩原因導致盆骨底肌肉會鬆弛？多次生育、超重肥胖、長期便秘、更年期賀爾蒙變化及正常老化等等，總之唔做就鬆，做咩？做運動呀！明白之後，不妨跟美國名人健身教練Lauren Roxburgh最近出版嘅《The Power Source》內容去做，Lauren姐經過多年臨床經驗，設計出鍛煉盆骨底肌肉嘅運動，解決女性之苦。此外，仲有滋補食譜推介及芳香療法。來吧，女士們重新調整身體同性生活吧！