決性11點:性誘力最低工種原來是……

20200117
東網電視
更多新聞短片
決性11點:性誘力最低工種原來是……(互聯網)
以前對女性嚟講,最吸引佢哋嘅男性職業應該係「三師」,即係醫師、律師同會計師,之但係如果問英國女士,冇吸引力到唔想同佢啪啪啪嘅男性職業係乜嘢,大家又估唔估到呢?英國網上博彩平台PlayOJO早前對此進行調查,並搵出12個喺英國女士眼中,最冇性吸引力嘅男性工種,而從第12名倒數到第2名,分別係會計師、屠場工人、動物標本製作員、害蟲控制員、交通督導員、執達吏、魚販、政客、垃圾清理工人、仵作及清潔工人。至於排名第一,被34%受訪者認為最冇性誘力嘅就係污水處理工作。問到箇中原因,好多女士都表示總覺得佢哋喺工作環境中所沾染嘅氣味太難聞。而PlayOJO為咗幫呢12個行業平反,證明其實佢哋都相當有男人魅力,會計劃為佢哋推出型男月曆,以改變英女對佢哋嘅誤解。