【深夜字聊】閨密男友成日?下面

20200120
東網電視
更多新聞短片
【深夜字聊】閨密男友成日?下面(互聯網)
除非係因為有病或特殊嘅原因,否則經常周身搲真係幾有礙觀瞻嘅,好似呢位女網民咁就因此嬲到喺網上勁數,究竟乜嘢事呢?女網民指:「閨密旱咗十三年後,終於識咗個男友。佢個男友大佢兩歲,即係四十出頭左右,個樣正常嘅寫字樓人斯斯文文咁,但前晚我哋三個人食飯時,我就發覺佢有啲唔對路,因為佢成日望住我時,隻手就喺枱底下面搲搲搲。我自問樣同身材雖冇閨密咁正,但都唔算差,只係我有老公同仔女,佢咁做算乜嘢意思?但我閨密卻又好似唔係咁覺咁。趁住閨密去咗洗手間,我諗咗好一陣,終於鼓起勇氣暗示佢:『做男人要專一,你知唔知呀?』佢愕然咗一吓,跟住邊笑邊點頭,嗰刻我好懷疑佢係個變態。返到屋企打電話畀閨密,問佢男友係咪有皮炎之類,佢不但話冇,仲話唔覺男友有咁嘅行為,又叫我唔好怪佢⋯⋯愛情真係令人盲目呀。」
網友神回應:
熱KEI:其實係咪唔關愛情事,而係同錢財有關呢?你知啦,你講到你閨密樣比你靚啲,身材又比你好啲,咁嘅質素其實仲有好啲嘅選咗啦。
逗咪:旱咗十幾年嘅女人係咁㗎喇,只係到咗呢個年齡嘅女人,雖然沉得快,但醒得亦好快,你作為閨密提點佢多幾次,佢就知道呢個男人有問題。
Ebi:佢想搲乜唔識得入廁所搲咩?話晒都食緊飯,點解要做出咁失禮嘅行為呢?呢個男人好極有限囉。
細L:你哋班女人可唔可以冷靜啲呢?可能個男人真係有病先至咁呢。不過話時話,如果我真係身體有痕癢問題,我係唔會出席呢種活動嘅⋯⋯