香港估估吓：唔好扮細！90後應該唔會陌生

無論係咩年紀，雪糕都應該係大家Comfort Food之一，有一款相信係90後一班年輕人唔會陌生嘅雪糕杯，雖然已停產，但對呢杯有得食又有得玩嘅雪糕依然印象深刻。

講嘅係奇趣杯，坦白講，雪糕係咩口味根本唔重要，因為嗰時有雪糕食已經好歡喜喇，係個分量勁少（媽咪就話小朋友啱啱好喎！）最開心係杯底收埋一款小玩具，當年仲係用上大受歡迎嘅卡通人物做玩具，好似Hello Kitty、多啦A夢、寵物小精靈、數碼暴龍等，仲試過幾個同學仔夾埋一齊儲添呢！