決性11點：童貞必殺服　新版更離譜

唔知大家仲記唔記得，兩、三年前曾經於日本網絡紅極一時嘅童貞必殺冷衫（童貞を殺すセーター）呢？佢憑住前面睇好似好密實，但側面睇卻係波邊大漏，加上大露背兼露股罅嘅設計，而獲得童貞必殺嘅威名，一眾水着女優同AV女優更紛紛着住佢嚟影寫真。該款冷衫其後每年都有唔同性感度嘅進化版，最近，佢又有新設計，而露出度更係超越晒以前嘅款式——除咗樽領部分設計正常外，其他部分根本同件爛衫冇分別！正面被剪去兩個長形大洞，只留下心口至肚臍有條窄窄嘅冷布，布與布之間僅用蝴蝶結相連，因此胸前兩點基本上係無遮無掩。至於背面唔單止大露背，仲要露埋成個屁股出嚟。難怪有日本網民稱，呢件最新版嘅童貞必殺冷衫，為羞恥程度定下新低標準。