嫌命長？ 英男直播生吞14個月「樂園餐」！！

「老麥」餐放14分鐘你都會話難食，更何況係放咗14個月呢？冇講笑，英國南約郡（South Yorkshire）一男子Matt Nadin，早前將親自埋喺後園長達14個月嘅巨無霸餐，原意喺40大壽取出當「生日飯」，但結果再推遲咗兩個月先食，係咪嫌命長呀？

據英國《鏡報》報道，狂人Matt Nadin喺2018年11月外賣巨無霸套餐，套餐包括漢堡、薯條及朱古力奶昔，之後狂人就去咗朋友屋企，將套餐放入塑膠容器，再埋入後院，直至本月初，Matt Nadin掘回套餐，發現漢堡變形，薯條發霉變綠，最離譜係奶昔變成糊塊狀，挑起更有發臭泡沫，睇見都覺噁心，但好戲在後頭，Matt Nadin一口氣花咗大約20分鐘將所有過期餐啪晒入肚，邊食邊作嘔，但事後竟然話「沒想像中咁難食」OK! You win!