飛走胖虎　女神大包登場！

相信唔少多啦A夢粉絲都好記得有關「樵夫之泉」嘅其中一集，內容將童話《金斧、銀斧和鐵斧》重新演繹一次，而最搞笑亦令人最印象深刻嘅係故事結尾當中，一向都蝦蝦霸霸又粗粗魯魯嘅肥虎唔小心跌咗落樵夫之泉，最後湖中女神有見大雄夠晒誠實，所以就將靚仔咗又好人咗嘅「優良版」胖肥虎送畀大雄佢哋，我諗唔少人每一次見到胖虎變到五官端正嘅靚仔樣都不禁笑出嚟！

由於呢一段故事實在太好笑又經典，所以後來相繼推出過唔少景品以及玩物此次重現。最近，亦有一件即將上市嘅服裝套用「樵夫之泉」情節，不過今次就飛走咗胖虎，服裝嘅心口位置印有湖中女神手執一個巨型豆沙包一幕！雖然圖案就見唔到樣仔版胖虎，但係女神心手持巨型豆沙包登場，豆沙包夠晒討喜，加埋女神副木獨樣，一樣可以令人會心微笑，粉絲不妨入手一件。