咁大整蠱呀！估佢唔到嘅意粉味
20200401
東網電視
更多新聞短片
咁大整蠱呀！估佢唔到嘅意粉味（互聯網）
傳統的蒜片辣椒炒意粉相信唔少人都食過，來到4月1日嘅愚人節，不如搞個變奏版湊吓熱鬧，一齊跟IG@poiluang_cooking學整亞洲風味版嘅蒜片辣椒炒意粉。
首先炒香蒜片和辣椒粒，之後放入烚至9成熟的意粉，呢個時候加入東南亞常用的豉油和蠔油，以及濃重口味的鹹魚醬，將之炒勻後盛起，放上煎熟了的雞肉丸子便完成。這款極富東南亞風的鹹魚醬蒜片辣椒雞肉丸炒意粉，賣相與意式蒜片辣椒炒意粉無異，但香味濃郁，入口更能嘗到淡淡鹹魚香，唔知有幾多外國人接受到呢？
雞肉丸材料：
免治雞肉 適量
豉油 1湯匙
蠔油 1湯匙
油 1湯匙
意粉材料：
意粉 適量
油 1湯匙
蒜片 2至3瓣
辣椒粒 2至3棵
鹹魚醬 2湯匙
豉油 1湯匙
蠔油 1湯匙
做法：
1.雞肉丸材料拌勻，分成均等份後搓成丸子，燒熱油煎熟。
2.意粉烚至9成熟。
3.盛起丸子後，剩下的油用來炒香蒜片和辣椒粒。
4.放入意粉，下鹹魚醬、豉油和蠔油炒勻盛起。
5.放入肉丸便成。