【入廚Tips】急凍雞翼點去雪味？

避疫在家呢段時間入面，大家開飯食得最多嘅係咩餸呢？相信唔少人會話急凍肉食，當中又以雞翼食得最為頻密吧！聽到唔少朋友都投訴，點解屋企整嘅雞翼會有陣雪味，主要係做少咗個步驟囉！做法其實好簡單，就係喺雞翼解凍之後，放喺水喉下面用清水沖約10分鐘左右即可。如果嫌嘥水嘅話都有計，就係將解咗凍嘅雞翼放入加咗鹽嘅滾水入面滾幾分鐘，咁都一樣可以去除雪味架！