另類 IGable 「疫景」打卡遊

20200409
東網電視
更多新聞短片
繽Fun主播曉柔帶大家訪尋3個另類IGable地點。(盧展程、張錦昌攝)
近日全球疫症肆虐,香港更實施「禁聚令」,所以逼爆離島同山頭野嶺係唔Work嘅!唔想成為「聚犯」,一於出去訪尋另類IGable嘅地點,隨時可以呃到唔少Like添!
呢條喺太平山街隔離嘅普仁街,據說喺1869年之前,有另一個名叫「墳墓街」。
除咗因為呢度有間百幾年歷史嘅亡魂廟宇之外,再加上後期發生嘅嚴重「鼠疫」,導致多人染病而死。
政府為咗消滅鼠疫,於是派人為居民逐家逐戶洗地,原來就係今日你成日聽人講「洗太平地」嘅起源!
眼前呢座紅磚砌成嘅英國愛德華式建築物,有冇人知佢前身係咩呢?
原來係「細菌學檢驗所」,當年好多關於「鼠疫」嘅細菌實驗,都係喺度做㗎!
據唔少街坊講 「東華醫院」隔離,有條長樓梯,途經員工宿舍同殮房。每到深夜,就有人見到好多靈體喺度上上落落。