狗狗修容盤　可愛又實用

坊間的化妝品多如天上繁星，更有不同顏色、質地、包裝、味道的選擇，叫人買極都買唔完！有時明明想忍手唔買，但當見到有高顏值的新品推出，又會好自然咁乖乖課金！好似今次介紹的Too Faced「Sun Puppy Bronzer」限定修容盤，小記第一眼就被萌到了！

這款狗狗修容盤以品牌創辦人Jerrod Blandino的芝娃娃犬「Clover」為靈感，其實Jerrod不止一次以Clover的外形打造彩妝品，今次再以心肝寶貝為概念，就更顯其萬千寵愛之心！修容盤採用金啡色設計，單是賣相已經又萌又治愈；加上盤中的狗狗造型修容粉餅共有三色，分別是粉膚色、奶茶色及朱古力色，適合不同膚色使用，能打造自然細緻的修效果。順滑粉質也很易推，心心眼的化妝控及狗奴想將它據為己有，就要上品牌官網望望了！