本日日本：吉野家史上最大份「Stamina超特盛丼」誕生
20200430
東網電視
更多新聞短片
日本吉野家今日起推出有史以來最大份嘅 Stamina超特盛丼，集齊牛五花肉、豚肉及雞肉三種肉類，食肉獸必Like！（互聯網）
成日食唔飽兼無肉不歡嘅朋友到日本旅遊要留意了，事關當地創業121年45嘅連鎖牛丼店吉野家，今日起推出有史以來最大份嘅 Stamina超特盛丼！巴閉之處係該丼集齊咗牛五花肉、豚肉及雞肉三種肉類，而且肉量亦十分驚人，所使用嘅牛五花肉及豚肉分別相等於牛五花丼並盛及豚丼並盛嘅肉分量，而雞肉方面亦係相同分量。3款肉加埋嘅肉量足足超過牛丼並盛嘅肉3倍有多。味道方面，今次將3款肉以大量蒜頭來調味炮製，並以大量炸蒜及青葱作配料，夠晒重口味，再加上另有小碗附上生蛋一隻，令滋味進一步升級！當然，如此分量，其熱量亦唔嘢少，一客便超過1,700卡路里，有心要減肥嘅朋友要三思！ Stamina超特盛丼每份售798日圓，於指定日本指定吉野家店舖有售。