「世盃病」傷眼損肝　捱夜睇波髮甩光

四年一度的世界盃即將開鑼，球迷又要展開捱夜睇波的「長期抗戰」，但小心捱至五勞七傷！今屆世界盃於巴西舉行，與香港時差達十一小時，開波時間由本港午夜時分「直踩」到翌日清晨，市民「日出而作，日入而睇」，勢影響內分泌。註冊中醫師陳洛志指，深夜十二時至早上八時休息不足，容易致陰虛火旺，女士或經期不順，男士或經常尿急、腰痠。有廿七歲青年過去十年經常捱夜睇波及上網，長年受脫髮困擾，更出現早洩問題，未到中年便嘗「男人之苦」。

世盃熱潮襲港，市民捱夜睇波，難免食消夜大快朵頤。陳洛志提醒，肝、膽、肺及大腸主要在深夜十二時至早上八時運行，以助身體修復功能，若該時段欠休息，再加上腸胃繼續「OT」，可引致內分泌、呼吸道及腸道疾病。不少人愛「邊睇波邊隊啤」，從中醫角度，啤酒乃寒涼之物，可造成脾腸受損；食煎炸食物作消夜會令脾胃積熱積滯，造成便秘和暗瘡。

陳又指，中醫認為肝主眼，長期於夜間用眼，易令肝陰不足，形成眼乾、易怒遺精早洩或月經不調等。有廿七歲男病人上網成癮，十八歲起已常通宵達旦打機及睇波，終有脫髮及早洩問題，「佢好後生已禿頭，外表已成個中佬咁。」他更因性生活不協調，與女友關係現裂痕，經中醫調理半年始漸改善。陳洛志建議球迷爭取休息，若真的難忍捱夜睇波，也盡量在晚上十一時至凌晨三時有睡眠，例如若當日午夜十二時開波，可在晚上十時先睡覺，再起床觀看。另可以花旗參茶、水果乾作消夜。

註冊眼科視光師關國輝指，不少球迷愛到酒吧或在客廳關燈睇波，陰暗環境與屏幕光度呈高反差，加上雙眼緊盯屏幕，易致眼睛疲勞，令角膜細胞缺水及受損，有機會導致角膜水腫；現時正值夏季，長開冷氣睇波亦易造成眼乾。他建議，球迷應定時讓雙眼看看窗外景色，以免過勞，「雙眼都要中場休息！」