DIY彩妝：需慎選原材料

自製化妝品過程表面上簡單有趣，但箇中學問卻殊不簡單。香港化妝品技術資源中心業務拓展經理梁國斌指出，市民在家中製作化妝品，所用的原材料要求會較工廠更高，「化妝品生產原料唔可以直接用落皮膚，一定要經過加工，但因為一般家居都唔會好似工廠咁，有專門抽原料雜質嘅機器，所以如果原料質素差，就會造成好多害處！」

梁國斌以製作唇膏常用原材料為例，解釋相關風險，「雲母粉本身係礦物，可能含重金屬；來歷不明嘅橄欖油有機會殘留農藥，蜂蠟如果唔靚亦會有雜質！仲有，整化妝品會用到防腐劑同乳化劑，呢啲都係高風險原材料，分量控制得唔好，就好易敏感！」梁建議市民到有商譽店舖購買原材料，並向賣家索取分析證書，確保得悉材料來源及成份。