獨家消息：118巴士重組後不入北角　市民鬧爆

各區巴士路線於去年陸續重組，期間即使反對聲音不絕，運輸署仍無視民情「大削大減」，令市民怨聲載道。其中往來深水埗至小西灣的118號線於路線重組後改道，將不再駛經天后及北角，不少居民須承受「捱慢車」甚至晚上「冇車搭」之苦。

「以前搭118好方便，但依家唔經北角，返屋企嘅車程足足長咗1倍！」家住北角的柯先生於旺角上班，過去下班習慣乘搭118線巴士返家，但自去年底路線重組後，118線往小西灣方向即改行東區走廊而不經天后及北角，柯只能改搭112、102及110線，坦言非常不便，「話就話可以搭港鐵或者其他巴士線，但繁忙時間嘅港鐵超迫，112同102就係慢車，要兜落灣仔同銅鑼灣先返到北角，110就夜晚8點已經收車，即係冇得揀！」

柯又指，現時雖有往來旺角至筲箕灣的小巴與重組前的118線巴士行走路線相若，但隨着118線宣布改道後，小巴亦即時加價，「以前巴士收$9.3、小巴就10蚊，點知一話改路，小巴就加到12、13蚊，足足貴咗2成！」

「通常路線重組都係路線重覆，或者條線少人搭，但118已經行咗好多年，好多北角街坊日日都搭，改路對佢哋影響好大。」東區區議會交通事務委員會委員許清安表示，自118線改道後，即接獲大量北角居民投訴，認為當局有必要重新檢視現有路線安排。

運輸署發言人承認，自118線巴士改道後已接獲16宗投訴，但指改道乃因應地區人士一直要求有更快捷往返九龍與柴灣的巴士服務，而118線改經東區走廊後可節省約十分鐘行車時間，強調實施前亦已諮詢區議會，並已調整隧巴110號路線及增開102號線，以減低前往北角市民的不便。至於公共小巴加價方面，發言人則指有關收費不屬當局監管範圍。

立法會交通事務委員會副主席范國威指出，巴士路線重組推行已逾半年，各區的重組皆招致民怨不滿，但當局卻未作全面檢討及審視，做法極不負責任，「路線重組原意係優化巴士服務，而唔係令服務倒退、搞到市民要付出更多車費同時間，況且港鐵好多條線繁忙時間載客率已經超過九成，唔可能再加重負荷，政府真係要諗下辦法！」