淫子偷圖？九巴「睡美人」海報幾被偷清光

九巴上月推出兩條晨早特別線，專程請靚女模特兒拍宣傳海報。海報上的靚女模特兒着短裙，一身OL裝扮，在巴士座位上睇睇吓書瞓着覺，比喻呢兩條新線舒適快捷，適合補眠，係「睡美人」模特兒的「夢寐旅程」，誰知張海報一貼出巴士站頭就被人偷。九巴有見宣傳效果良好，考慮叫模特兒親身落區宣傳。

九巴企業事務總監陳碧君同傳媒茶聚，宣傳新線之餘向傳媒大送新海報，期間自爆這批「睡美人」海報好受歡迎，印了幾千張，一貼出上水、粉嶺同尖沙咀嘅巴士站頭就被人偷了不少，朝早貼，夜晚就不翼而飛，但無透露究竟不見了幾多張海報。

陳碧君透露，靚女模特兒叫Christy，係今次九巴特地請來宣傳新線，拍了多款相，最終覺得「睡美人」版本最可以表達兩條新線有幾舒服，又稱「睡美人」模特兒遲一點會參與其他宣傳活動。

網民議論紛紛：

Ben Bibek：星期日係上水總站見到有一個男青年嘗試偷走，不過失敗左，叫得站長黎，佢就走左。

Dennis Law：九巴可以諗吓印啲單張黎派，我指有埋條女嗰隻。

Chikong Nip：世風日下，道德淪亡。

Kenneth Cheung：淫子偷圖。