九巴路線重組變相加價　運輸署監管不力

港九各區陸續有不少巴士線重組，但效果卻彈多讚少。「以前一程車就去到（元朗）返工，依家要喺大欖隧道轉車，唔止麻煩咗，車費仲最少加咗1蚊！」居於青衣的蘇女士一直乘搭251M往返青衣及元朗錦田一帶。今年10月初有關路線改由荃灣開出，蘇需乘搭264M或279X到大欖轉車站，再轉乘251B才能抵達元朗上班。蘇指線重組後，每程車增加約1至5元，「264M每程貴1蚊，仲要成5個字先1班車，如果轉251B連埋優惠車費係同以前一樣，但係就多咗時間；想快就搭279X，不過要畀多成5蚊，即係逼人搭費車！」

九巴網頁資料顯示，凡往返元朗及青衣、並經大欖隧道轉車站以264M及251B轉駁者，皆可享折扣優惠，平均車資與以往251M車資相同。不過，蘇卻指264M班次較疏，候車時間甚長，且有指此線將於11月22日取消，令市民無所適從，「呢頭叫人搭264M，嗰頭又取消條線，咁叫人點搭車？」

葵青區議會交通及運輸委員會委員徐曉杰坦言，自有關路線改動後曾接獲不少居民投訴，直指重組後車程、時間及車資均相應增加，「有部分居民被迫要用多咗時間搭車，巴士公司應該要有替補方案補償番，但依家唔止車費冇減，反而仲變相加咗價，咁係唔可以接受！」徐要求巴士公司盡快檢討，並向受影響乘客提供優惠。

運輸署發言人則稱，251M因客量編低而於今年10月4日起重組路線後。青衣區乘客可選乘264M或279X到大欖隧道轉車站轉乘251B前往錦田公路一帶。巴士公司亦為受影響乘客提供轉乘優惠，平均車資與重組前相同。另外，巴士公司亦於今年11月1日起，額外為279X並於大欖隧道轉車往元朗的乘客提供車資回贈。

九巴發言人表示，251B及264M已提供八達通轉乘優惠；兩線來回程平均車資相等於以往的251M的轉乘車資。乘客在青衣機鐵站乘搭279X，並於大欖隧道轉車站往元朗，錦田及天水圍線皆可享轉乘優惠，車資與264M的全費車資相同。

立法會交通事務委員會副主席鄧家彪認為運輸署未有作好把關工作，以致路線重組後乘客需繳付更高車資，又批評重組計劃欠周詳，「上個月叫乘客改搭264M，今個月又話取消，車費又要投訴完先畀優惠，好明顯事前規劃得太差！」鄧要求當局做好把關工作，令巴士路線重組不致擾民。