網民熱話：「霸爐姐」膠袋封爐留位BBQ捱轟

不少市民在除夕夜會結伴到郊野公園燒烤慶祝，但隨時因燒烤爐不足失望而回。一名自稱張女士的市民就用出位手法「霸爐」，先用膠袋封住一個郊野公園的燒烤爐，再貼上字條表明「已留位」，指自己在今午12時41分以先到先得形式「霸位」，要求其他人不得侵佔，否則會追究法律權利，她更留下自己的手提電話號碼方便其他人查詢，有網民拍照片放到網上瘋傳，引起網民熱烈討論。

大批網民不滿張女士的做法，直斥她自私、離譜、「咁都得？」有網民更坦言若見到有關字條，會即時拆除，「畀我就扔開個袋，照用!」有人更指若其「霸位」手法有效，以後毋須按程序租用運動場等設施。有網民建議按字條上的手提電話號碼聯絡張女士，令她不勝其煩。

網民有話說

Ngmabe：一人打一個電話去鬧爆佢！寫手提丫拿！

beiette：我要用袋笠晒成個燒烤場，等佢入唔到嚟。

sweetcandychan：咁我想霸定出年聖誕節，係咪今日可以去封咗個爐？先到先得係咁用o架咩？

WW_WW：真係沒有最奇，只有更奇，真係第一次見人咁霸爐，咁搞法，以後去郊野公園咪會見到好多『已留位』。

坦克巴：如果係咁就唔洗BOOK場去體育館打波啦，用自己把鎖鎖住個場咪得。

carrie_piglet：真係搞笑，寫張紙就大晒丫？真係自私到不得了，又想霸位又唔想等，個個係咁仲得了！