網民熱話：蛋糕放路邊「吸塵」　網民笑指加料

有連鎖糕餅店的蛋糕在無遮蓋情況下，今早被巿民發現被人放置其分店店外行人路上，巿民將情況拍攝並上載至社交網站群組，質疑蛋糕被放在路邊任由塵土吹拂，長達5分鐘，「你夠膽食嗎？」有網民笑指蛋糕將有加料「黑胡椒」。

但亦有多名網民直言，周圍食店均有同類做法，冰廠及粉麵廠等送貨時，都只會放置在食店門外地下，「燒賣腸粉一樣係咁，少見多怪」，更有網民勸上載照片者減少出街，否則難以外出用膳。

該連鎖糕餅店回應指出，該分店位於長沙灣，有關產品正待退回廠房，並無售賣予客人，強調公司有嚴謹的處理指引，是次屬個別事件，已向該分店重申產品及退貨的處理原則，以確保食物品質。

網民有話說

Billy Yuen：好多茶記D麵包朝早送貨就咁用膠袋入住放響門口地下咖咋，又如何??

Louis Choy：粉麵廠冰廠送貨都係一早攤o係舖頭門口無人理

Siu Yin Wong：眼不見為乾淨，樓主，呢d咁就叫唔咁食，當你見到，重唔乾淨既廚房，就係唔咁食啦

Erike Leung：個個都話眼不見為乾淨，而加影左比你地睇唔衛生冇人投訴下，仲講到影個個有問題...