摸門釘好失望　市民：嘉年華停開應早公佈　

歐陸嘉年華水浸停開，不少原本想到來「玩餐飽」的市民，到場才知「摸門釘」，不禁鬧爆當局不預先通知，令人掃興。

任職秘書的陳小姐，專門與姓鄧友人前來玩，不料至抵達後始知無法進場，大感無奈。陳批評主辦機構，「如果水浸不能開門，應該早啲公佈，讓大家唔使懵盛盛前來，到咗先知冇得入，幾令人氣憤，浪費咗半日時間，只好改到附近行街、食嘢」。

任職公關的吳小姐，與姓陳友人帶同兩名台灣友人到場欲玩個痛快。可惜到場後才知「冇得入」，令她極度不開心。吳認為「主辦單位應該早啲話畀人知，唔使到咗場先知冇得玩，幾咁令人掃興，若果遊客專門過來玩而無而可入，就會浪費了時間，錯過了到其他地方遊玩的機會。」

家住天水圍、在柴灣工作的方先生最失望，他指今日約了5名友人一齊來玩，更要求老闆提早放工2小時。估不到天意弄人，到了場竟被告知暫時營業，這個消息對他們打擊極大，不明白為何主辦機構沒有早些公佈。

另一名黎生則表示，與妻子及8歲女兒及友人等共5人到場玩，冇得入場令其極度不開心。他批評主辦單位早已決定暫停營業，為何不作早些公佈，令他們「白行一趟」。