網民熱話：iPhone 5賤賣1千元　騙局呃長者

$1000就可以買到一部iPhone 5？網上流傳，近日大埔出現平售iPhone騙徒，聲稱等錢使，以1000元平售iPhone 5手機，並且專向老人家埋手，據悉不少長者已中招，因他們「買雞冇豉油」，要往電訊店買充電器，但被醒目店主揭發他們購得的所謂iPhone 5，其實是山寨貨！

根據發帖內容，發帖者自稱開手機店，發覺近日有不少阿伯由騙徒手中買了山寨手機，但因沒有充電器而到該店選購。店主追問下，受騙長者稱該騙徒為一名中年男子，聲稱賭錢輸了，急需週轉才賤賣手機。不過，店主不排除該騙徒是女人，懷疑阿伯是抵受不了美色而上當。

網民得悉事件後，紛紛留言指「便宜莫貪」，更有人稱親身遇過騙徒，就在日前有個約六旬阿叔在大埔墟港鐵站兜售手機，當時開價1500元，提醒街坊小心，其後亦有網民附和，稱「似係你描述的人了！」

網民有話說

Alice Mak：總知唔好貪小便宜啦:-0，謝謝提醒

黃潔寶：便宜莫貪

Wallance Chan：昨日有個亞叔係大埔墟火車站問過我，佢開個1500蚊，係男人55-60歲，大約1.6米高，冇戴眼鏡，純正廣東話，表示等錢用，賭馬等籍口，大埔街坊請小心

Ming Yeung Lawrence Choi：似係你描述的人了！