網民熱話：大埔橋底嚇現紙紮孖公仔求收留

繼日前有網民拍到1對紙紮公仔被遺留在地鐵站月台，今日又有市民於大埔發現1對紙紮公仔，並拍照上傳至社交網站，因為紙紮公仔又再現身，款式更與日前在地鐵站月台內幾乎一模一樣，不少網民見到公仔後均留言表示不安。

下午5時許，有市民途經大埔寶湖道與南運路交界的天橋下，發現擺放有1對紙紮公仔，其旁邊地上有1疊陰司紙和1張寫有字的白紙，因覺後奇怪，於是將其拍照上傳至社交網站，隨即有其他網民回應指，該張放在地上的紙張，寫上有「好心可唔可以帶我地返屋企」的字句。

因為日前有網上流傳1張、1對紙紮公仔被遺留在地鐵站月台的照片，兩對公仔款式相同，公仔旁又留有令人心寒的字句，不少網民留言表示，儘管是白天看見，也感到非常不安，至晚上8時許，記者到現場查看時，1對紙紮公仔已不知去向，地上只遺下一堆灰燼，未知是否紙紮公仔被人火化之後留下。

網民有話說

Kayan Yeung :嚇親d小朋友呀！

Trenyce Higashi :做咩呢2日周街都係呢d公仔？

Joyce Leung :大吉利事，呢啲野都攞黎玩。

Jack Mak: 嗰度橋底喺十幾年前有人(好似係男)跳河，浸死咗。幾年前仲有人喺度拜。