網民熱話：準時出糧成賣點　九巴奇招聘車長

本港失業率持續偏低，打工仔搵工不乏選擇，僱主要提供優厚薪酬福利才可搶得人才，有網民發現九巴的招聘車長廣告，竟以「準時出糧」為賣點，即時引起熱列討論，有人諷刺「香港幾時變到連準時出糧都係賣點？」，直斥九巴「出手低，夾硬搵個賣點出嚟」，根本無意改善車長待遇，難以招聘高質素車長。

有關招聘廣告在九巴車身及車站貼出，列出車長月薪和福利，指一般車長平均月入$16,500，如工作時間特長的特別更，平均月入更可達$18,500。但有眼利市民細閱廣告細則，發現所謂平均月入，是計算了迎新奬金等額外福利，實有取巧之嫌。廣告更把「收入穩定，準時出糧」作賣點，不少網民看過內容後忿忿不平，有人歸咎亞視拖糧至今仍未被政府起訴，開壞先例，結果令準時出糧亦變成賣點；有人則戲謔港人「奴性太重」，只要「有糧出」便欣然接受。

網民有話說:

Vincent Hui:準時出糧係僱主責任，但事實上社會各行各業都有出現拖糧嘅問題，建造業、運輸業等、甚至公共廣播機構也如是。

Hang JacKin Hang:正常大公司財政穩健，都唔會出現拖糧的情況吧。

Matthew Lee: 係責任，但係都比個保證啲應徵者，唔洗佢地擔心。

Pak Ho Leung:ATV呢?

王文都:當年九巴眾前線職位分兩期糧出，對於等錢開飯嘅家庭簡直係恩典。