星媽炒車：煞停單車最好方法「雙手並用」

騎單車時不熟悉如何煞車，易生意外，專家教你煞車的正確方法：以右手掣煞前轆、左手掣煞尾轆為例，按照以下3幅示範圖所見，正確煞車方法為1、2圖，3圖為錯誤示範﹕

圖1﹕可雙手輕握兩個手掣減速後煞車。

圖2﹕可先輕握後轆煞車手掣。

圖3﹕忌先用前轆煞車手掣。

香港單車資訊網負責人羅振奇表示，煞車步驟中，應先輕握前後轆煞車手掣，或是後轆煞車手掣，以拖慢車轆，減慢車速後，才煞停單車。不宜一下子「夾實」尾轆，因前轆仍有速度，令鎖死的尾轆「甩尾」，車身搖擺；更不應先煞前轆，因尾轆速度較前轆快時，車尾會拋起。

形動單車隊教練陳政烜亦指，即使同一款式的單車，2個手掣可用於控制不同的車轆煞車系統，部分是右前左後，亦有些是左前右後，各有不同，故建議同時使用兩邊煞車掣，就算不懂得分辯前後轆煞車系統，亦不會因「Dup錯brake」而發生意外。

他亦教路，在取得單車後，必須先檢查煞車系統，在按緊其中一邊的煞車掣，然後將車向前推，若尾轆升起，該手掣為前轆煞車掣；若單車可向前移動，則為尾轆煞車掣。相對地，假如將車向後推，而前轆升起，即為尾轆煞車掣。