25B小巴班次不足　運輸署監管不力

來往元嶺村及大埔墟的25B循環線專線小巴為元嶺村、九龍坑及大窩村村民出入的主要交通工具，運輸署資料顯示，此線為5至9分鐘開出1班。不過，元嶺村村民李小姐卻指實際情況並非如此，「我住喺度9年，呢架小巴啲班次一直都好唔穩定，投訴完可能會準時幾日，之後又打回原形，有時要等成9個字（45分鐘）先上到車！」

另一名村民袁先生亦說，近年附近一帶人口急增，令該線小巴服務出現失衡情況，曾多次向營辦商及運輸署反映皆不果，「朝早出村1條人龍、夜晚入村又1條人龍，好似太和呢啲中途站就更加唔使旨意上到車，有時等得耐都會放棄，行遠少少搭巴士，但如果住得入嘅就好難搭其他車！」

記者曾多次於不同時段在該線兩個總站及各個分站了解，只見元嶺村總站於早上7時半已出現人龍，不時有村民因「上唔到車」而着急。及至晚上7時左右，位於大埔墟寶鄉街的總站的排隊人龍更可長達數十米，乘客多要等候2至3班車才能登車，但站頭卻有2架空車未有司機開出，而小巴駛至寶鄉穚分站時則因滿座而「飛站」。

運輸署發言人承認，由2012至2014年共接獲15宗相關投訴，經調查後證實班次於繁忙時段服務合乎要求，僅有部分乘客因客滿未能即時登車，但能登上隨後到達的小巴。發言人又稱，為應付需求，營辦商已於特定時段加開特別班次往返元嶺及太和站，有需要時將靈活調配班次及加強服務，以疏導乘客。

然而，記者事後再於晚上時分到該線大埔墟總站了解，發現仍有排隊人龍，部分乘客需待2至3班車方能登車。

「我呢幾年都收好多投訴，運輸署都仲要話冇問題，究竟佢哋有冇認真了解情況？」大埔區議會交通及運輸委員會委員任啟邦指出，公共交通工具服務與市民息息相關，運輸署有責任持續監管營辦商，確保班次服務穩定及充足，「放工時間大埔墟總站架架（小巴）都上滿晒人，但好多村民都係喺太和站落車再駁小巴番屋企，運輸署應該叫營辦商再加多啲車！ 」