網民熱話：月入6萬休想埋身　拜金女遭鬧爆

男朋友月入6萬唔夠買手袋？網上流傳一名女網友自拍照留言指，從事保險的港男月入只得6、7萬，休想埋身，自稱「閒閒地返大陸一頭半個月都搵三十萬無難度」，仲話愈來愈憎港男，會被影衰。言論一出，隨即引起網民熱烈反擊，但大家對其身份有不同看法，有網民指「溝此港女仲難過供樓!」亦有網民指「呢個唔係港女，港女係寸，但係有小小質素有學歷」，質疑是內地女子。

社交網站流傳一名女網友留言，言論非常出位，「你班保險死窮鬼想埋我身？唔該慳D啦，每個月搵得6萬7萬...買個平D既prada都無x咗，乖乖地打份牛工做死一身(世)窮鬼唔好諗咁多」。該名女網友更聲稱指自己返大陸每月搵30萬無難度，但未有透露職業。有網民嘲諷指「公平交易，想埋10萬以上成功人士身先執執自己」。亦有網民指「咁既樣搵30萬津巴布韋幣咋？」

網民有話說:

Kelvin Ma:　咁嘅相頭搵30萬？30萬印尼盾都唔得啦~

Marco Pang:　佢只係講得太白，不過公平交易少少，想埋10萬以上成功人士既身，執執自己，吾(唔)好太行，你擇人，人都擇你

Harley Hui:　真係搵到三十萬一個月嘅話，就已經整咗個樣啦，駛咁嘅款走出嚟嚇人？