蔣麗芸唔識解廢燉求教長毛 互窒似打情罵俏

20150507
東網電視
更多新聞短片
蔣麗芸(左)與長毛(右)為「廢燉」一詞而爭論。(陳嘉順攝)
立法會小組委員會今早討論政改方案,議員再爆罵戰,其中建制派蔣麗芸斥泛民李卓人違反議事規則,以「廢燉」怒責對方,反遭對方嘲笑不知「廢燉」點寫,勸蔣查字典。其後,蔣麗芸於立法會大樓走廊被記者追問「廢燉」何解,蔣直認「唔識」,並解釋是「喺街聽到,應該係俚語,用嚟形容啲廢人」。
同時間另一泛民議員梁國雄(長毛)路經,蔣麗芸即求教長毛「廢燉」的解釋,卻遭長毛嘲笑:「連字都唔識解又用嚟鬧人,一定要考究咗個字點解先講得o架傻佬,唔知好大鑊」。蔣即反駁:「『廢燉』即係廢嘅、廢嘅,係廢嘅,靠你(長毛)都廢嘅。」
長毛聞言就說:「即係好似有啲女仔着住件衫有英文字,周街行畀鬼佬見到咪咩囉!」惟蔣似誤會長毛意思,衝口答道:「長毛議員,咩叫啲女仔着住件低胸衫周圍行,我夜晚唔去蘭桂坊o架!」長毛隨後解釋:「我話見到啲女仔着住件『I like all sex』嘅衫周圍行」,惟長毛未講完即被蔣打斷:「咁你梗係即刻同人傾偈啦!」長毛澄清:「我梗係唔會,『I don't like all sex』!」
長毛之後返回前廳坐,無再理會蔣麗芸,兩人對話維持約3、4分鐘,言談間似是打情罵俏甚於對罵。