90後醉娃除褲露底瞓花槽　幸遇正氣的士哥

1名中性打扮女子清晨在蘭桂坊劈酒後，帶醉乘的士返粉嶺，並在車廂中昏睡，到達粉嶺住所時，被司機喚醒，她突稱人有三急，落車脫褲就地解決，但因不勝酒力，穿回內褲便倒臥路邊花槽昏睡。的士司機雖感愕然，但因「做唔出掉低佢」而報警求助，並留守看顧女子。警員及救護員到場，附近商場的女保安員幫手將她拍醒，但女子穿回褲子及付車資離去。的士司機事後回應網民讚揚：「只係做好自己本分，做覺得啱嘅嘢。」

出醜的醉娃姓卓（24歲），5月8日清晨5時許，她在中環蘭桂坊飲酒消遣後，帶有幾分醉意離開，並登上1輛由45五歲司機「豪哥」駕駛之的士返粉嶺住所。的士其後抵達嘉福邨對開1個迴旋處，惟卓女疑不勝酒力，在後座呼呼入睡，豪哥嘗試喚醒她，但不成功。正當他不知所措之際，卓女突然驚醒，但神志仍不清，她一邊呼喊「我要去廁所」，一邊打開車門，下車後即小解，穿回內褲未及穿回長褲便倒頭大睡，豪哥大感愕然，連忙下車並再叫喚卓女，但對方毫無反應，他恐遭誤會，但無計可施，只好報警求助。

消息指，卓女躺臥位置下的地面有一攤水漬，警員及救護員接報到場，輪流喚醒卓女，但卓女仍一動不動。警員在附近的嘉福商場找來1名女保安員，成功將卓女拍醒。卓女驚覺自己身處公眾地方，連忙穿好褲子及繳付200多元的士車資，並表示無需送院，自行離去，警方列醉酒人發現事件。

事件引來大批網民熱議，有途人更拍下卓女「露底」醉臥花槽的醜態，指醉女行為十分危險：「醉酒能令人醜態百出，勿多喝。」亦有人大讚接載卓女的司機為人正直，是1名「好心司機」，又認為卓女應慶幸自己「執番身彩喇，遇着好司機。」

司機豪哥憶述，卓女上車後便聲稱「好急」，於是載她到美利道的公廁解決，「佢當時仲算清醒，可以自己行去公廁，返上車之後，仲話不如俾咗車錢先」，但因路程尚遠，未知車資多少，豪哥著她抵步後才付錢。詎料抵達後，卓女再度人有三急，甫下車便脫褲小解，「底褲都除埋！咪同佢講呢度唔去得喎」，勸她到別處解決。但卓女沒有理會，豪哥感無奈，著她穿回內褲，「點知佢淨係著返底褲，就瞓著咗，再叫佢都冇應啦，佢又係女仔，無理由掂佢架，咪報警囉。」

豪哥稱，之前已提醒最好有女警幫手，「點知得男警嚟，加理男救護員，始終會尷尬嘛！」幸最後得女保安員協助。對於網民的讚揚，「豪哥」回應：「只係做好自己本分，做覺得啱嘅嘢，的士司機唔一定係差嘅。」他指任職的士司機，間中都會遇上類似情況，故他不喜歡到酒吧區載客，以免發生麻煩事。不過麻煩事一旦發生，他亦不會一走了之，像今次事件般，「做唔出掉低佢，警察嚟到都好快搞掂，最多咪1個鐘，都唔爭在。」「豪哥」又批評事發時只顧用手機拍照的途人，曾著他們「唔好影」。