網民熱話：沙灘圍拍洋女　內地客鹹濕兼失禮

人類天性喜歡美麗的事物，但喜歡還喜歡，如果做出過分的行為，就會惹來旁人側目。昨日有網民在討論區發貼，指自己與朋友到淺水灣游泳期間，看到一群內地男子圍在一名穿三點式泳衣的外國女子面前，瘋狂拍照，還要求與對方合照。發貼者大嘆他們「前世未見過女人咁」，網民亦紛紛炮轟該些內地男子既鹹濕又失禮。

發貼者指自己在淺水灣泳灘期間，看到一群內地男子「衝埋去個鬼婆前面，係咁影相，又問佢可唔可以合照……痴線，前世未見過女人咁」，相中至少有4名男子圍在一名身穿三點式泳衣、躺在沙灘蓆上曬太陽的外國女子前面，其中3名男子手持攝影器材，多人更面露笑容。

不少網民紛紛大呼相中的男子非常失禮，又分享類似經驗，有人稱曾目睹有一大群內地旅遊團旅客，在海洋公園內不斷以相機拍攝一個外國家庭的女嬰，連她的每一個舉動都不放過。亦有女網民回憶以前在內地五星級酒店穿普通泳衣游泳，竟有一群「麻甩佬」不停對她拍照，嚇得她落荒而逃，從此留有陰影。有人則表示可能該名外國女子並不介意，因她還悠閒地躺在地上，但發貼者回應稱，其實該名外國女子的另一隻手，正指向他們表示不滿。

網民有話說

Bokit：勾結外國勢力！

Sweetheartb：佢哋算畀面，冇去當蠟像咁摸！

丫雅：金髮碧眼級數係唔同啲！

Sunev：或者當事人唔介意，甚至高興可以被欣賞呢！類似網民好欣賞廣西豬肉靚仔肌哥。