順天邨遊樂設施被封　小朋友有得睇冇得玩

觀塘順天邨有2座兒童遊樂設施於去年9月被圍封後並未開展任何工程，居民不時發現無處玩樂的小朋友經常「突破」圍封防線使用破損設施，以致險象環生。

「黃色嗰個（兒童遊樂設施組合）上年年尾已經封咗，到今年年頭紫色嗰個（另一兒童遊樂設施組合）又封埋，都唔知幾時先整番好？」順天邨居民王先生指出，邨內2個兒童遊樂設施組合先後因損壞被圍封，維修卻一拖再拖仍未開展，令邨內兒童「有得睇、冇得玩」，不滿房署龜速維修，「好似上年11月有通告講明黃色個場今年第1季就可以整番好，點知到4月尾又貼張紙話未搞掂，點解房署做嘢咁兒戲？」

王續稱，曾多次目擊有家長無視警告封條，讓子女使用設施，期間卻鮮見職員勸喻，「啲膠封條其實已經爛晒，有家長仲帶啲細路衝上去玩，最弊係冇職員嚟阻止佢哋，其實辦事處同個遊樂場只差嗰十零步，唔通行出嚟講2句真係咁難？」王要求房署加強監察並盡快重開設施，保障使用者安全。

房屋署發言人證實，過去1年共接獲5宗有關涉事設施維修的查詢或投訴，職員於年初進行日常巡查時，發現辦事處對出的兒童設施組合及旁邊的小型滑梯有損壞，前者已完成維修並重新開放；後者因訂購物料需時，工程預計將於7月中完成。

至於辦事處旁的黃色遊樂設施，發言人續稱，該署聘用的設施顧問於去年6月完成年度檢查後，發現設施與現有安全標準出現落，需作圍封及重建，又透露經招標後，有關工程已於5月初展開，預計可於1個月內完工。發言人說，職員已在現場張貼通告，提醒居民切勿使用損壞設施，倘發現有居民企圖使用，辦事處職員或保安會即時勸止。

「因為原先個承辦商已經被剔出合約名單，房署又冇盡快填補個空缺，到出事先重新招標，結果咪搞咁耐都未整番好囉！」當區區議員郭必錚狠批房署外判政策欠缺統籌，認為最有效的改善方法，必須從檢討交接制度開始，並應不時聯絡外判商跟進維修事宜，避免再出現類似事件，「監察承辦商服務質素嘅機會好多，如果一發現有承辦商2次、3次都達唔到標，就要預先做好靈活應變，唔好等完晒約先慢慢處理！」