公聽會快必發言「問候母」辱女性　被逐離場

人民力量成員譚得志(快必)今午出席立法會行政長官產生辦法方案小組委員會公聽會時，因以「阿婆吮嗰啲白雲鳳爪」比喻1,200人組成的提名委員會篩選候選人，並多次發言稱「你老母」、「你阿媽」，被委員會主席譚耀宗驅逐離場。

譚得志發言時，即「問候你老母譚耀宗」，譚耀宗隨即喝斥他講粗口會被視為不守規矩，譚得志反駁指「老母」不是粗口。譚得志續指，只要有良知、人性的人都知道政改方案是假普選，提委會是「1,200人選完一輪先比你選，即係阿婆吮嗰啲白雲鳳爪，去骨嗰啲啊！你阿媽最鍾意嗰啲」，本身已經「黑面」的譚耀宗再次喝停譚得志，並要求保安逐他離場。同場的「鳩嗚團」市民錢寶芬見狀發難，大聲質問譚耀宗「老母」不是粗口，亦被女保安逐離場。她被逐出會議廳後「賴地」，稱因骨痛一度拒絕起身離開。

譚耀宗事後解釋，譚得志被逐離場前已兩次疑似爆粗，加上議員葉劉淑儀及陳婉嫻亦舉手投訴，故譚得志第3次「爆粗」時將他逐出場。被問到譚得志因發表「你阿媽鐘意食嗰啲」一句而被逐，葉劉淑儀稱「好難聽」，但自稱不是專家，不懂分辨是否粗口，「總之覺得佢哋好粗魯啦！」