答問會：泛民奇招搞事　特首挑機回應　

立法會今日舉行特首答問會，泛民議員例必搞事抗議，其中陳偉業一埋位就開黃傘，會議未開始已與坐其旁邊的議員林大輝舌戰，林舉手向主席曾鈺成投訴指擔心自己有危險，「唔想喺惶恐中度過」，陳即回嘴道：「知道啲人好驚黃傘」，更不斷將傘「揚」向林。

而於特首梁振英開場發言中段，李卓人就突然起身大叫4次口號，更一路叫一路自己離場；其後梁振英就以「捉到鹿要識脫角」回應李，明言現時就是脫角時候。

當鍾樹根跟進提問特首如何令泛民重新支持政改時，陳偉業就在旁邊答「開槍」，另有一把女聲則說「撤回831決定」，與此同時，黃國健終於頂唔順陳偉業，站起身向主席投訴指陳經常大叫阻礙會議進行，「我畀佢嚇一跳」。而吳亮星於補充提問時就講咗句金句：「香港人需要民主，但更需要銀紙」，指立法會「拉布」為本港經濟項目帶來阻力，港府應就本港經濟狀況作更多評估。

馮檢基發言時指摘，工聯會及民建聯兩政黨「賴貓」和「輸打贏要」，即被主席曾鈺成警告：「唔好對議員或政黨進行指摘，唔想因為咁引起辯論」，民建聯議員蔣麗芸亦不忿反罵馮檢基胡說八道，馮即與之爭執，繼而被曾鈺成停止發言，更提醒馮，每個議員只可發問2次，並要在主席點名後，才可起身發言，但馮一共起身6次，遂勸他守規矩。

其後，陳志全誤將與中央官員會面的地點深圳說成廣州，曾鈺成即出言提醒是深圳，梁振英回應時亦嘲諷深圳和廣州是兩個城市。陳偉業聽罷後指梁抽水，之後更舉起黃傘及標語牌，並多次高叫「公民提名不可或缺」、「振英亂港可恥」、「袋5千萬」等口號，最後落得被趕出會議廳的下場。