荔園常伴巿民　邱達根：潮推Apps畀你玩

咖啡杯、叮叮船及掟階磚贏白箭香口膠，都是港人對荔園的集體回憶，除6月26日起得以在中環海濱活動區重現外，已故荔園老闆兼亞洲電視前主席邱德根的孻子邱達根接受東網訪問時明言，想將「荔園」與智能手機結合，令荔園成為一個存在於線上線下的永久樂園，只要令「荔園」長留市民心中的回憶及三代人同遊荔園，即使入場人次不到100萬，甚至損手離場，亦會在明年繼續復辦荔園。

荔園有限公司主席邱達根似乎與虎有緣。1974年12月9日，荔園發生走失走老虎事件，同日，邱達根出世，命中注定他與荔園結下不解緣。荔園97年結業後，剛卅歲出頭的邱達根於05年向政府申請在大嶼山土地復建荔園，惟最終未能成功；事隔十年，他捲土重來，終成功爭取到荔園在中環海濱復辦兩個月，引起社會熱烈迥響，「我同唔同年紀嘅人講起荔園，一定會搵到一啲話題，例如掟階磚贏香口膠、動物咁，呢啲係我想搞嘅原因！」

他續指，復辦荔園並非是為亡父完成「遺願」，因父親一生想做的事情，在生前幾乎已經「做晒」，例如興建荔園、宋城及經營亞視等，反而是父親生前欲為他完成心願，「爸爸一早知我想搞荔園，佢話鍾意做咩做囉，所以唔會我幫佢，反而係佢幫我！」

對於父親在其心中的形象，他形容父親是一位「好潮」的創業家，在全無市場調查下，全憑觸覺創業，例如離島開戲院、新界辦銀行等，啟發到他必須要有「潮」的元素融入荔園內，例如鬼屋與智能手機互動操作、流動應用程式（Apps）提供最新資訊與優惠，以及社交網站分享圖片等，「長遠係發展一個線上線下嘅樂園，可以應用係電話或者智能手錶度。」令荔園可貼身長伴市民左右。

至於投資近7千萬元復辦荔園，邱達根早前曾指希望可吸引100萬人次入場，被問及是否以此衡量成敗得失時，他指，入場人數多寡及賺蝕反是其次，「係咪80萬叫失敗？120萬就叫成功呢？唔可以咁樣衡量。」最重要達到兩個目標，令「荔園」長留市民心中的回憶及三代人同遊荔園，故明年必會繼續復辦荔園。

他又指，想為荔園覓得長期容身之所，中環海濱屬理想地點，惟一切要視乎政府的取態，現時難以言之，慨嘆香港並非容不下多一個樂園，只是難覓一處交通方便的土地。