健康院興建無期　將軍澳南居民等到頸都長

將軍澳唐俊街與唐明街交界有官地早於多年前已被規劃作健康院用途，但數年前突被改成「臨時」公園後，健康院即興建無期，有家住將軍澳南區的長者指每遇不適，便需乘車到將軍澳北才能接受門診服務，坦言曾因「怕遠路」而延誤治療，令小病變大病。

年屆93歲的梁婆婆獨居於將軍澳尚德邨，因行動不便，平日鮮有外出，每次患病，更因求診路途遙遠而諱疾忌醫，「有時小小病我都冇去睇，買支藥油搽吓、貼啲膏藥就算，再唔係就煲啲藥食。睇醫生要搭巴士，又要上落樓梯，落車仲要行一大段路先去到寶林嗰邊，去到又要等，睇一睇要搞成大半日，仲辛苦過病！」

由於居所與門診診所距離「天南地北」，梁婆婆承認曾因而延誤求醫而小病變大病、「本來去門診變咗要入急症室」，希望有生之年能在居所附近接受門診服務，令邨內其他「老友記」一同受惠，「呢頭咁多老人家，但講咗好耐都唔知幾時起（診所），可能起得嚟我都已經唔喺度喇！」

食物及衞生局、衞生署與醫院管理局綜合發言人回應查詢時稱，政府已於將軍澳第56區預留用地供基層醫療服務長遠發展之用，醫管局會繼續密切留意區內對公營基層醫療服務的需要，並配合食衞局整體政策發展，希望在資源許可下，進一步提升九龍東醫院聯網內普通科門診診所的應診能力。發言人續說，待有關發展有進一步資料時，政府將適時諮詢區議會意見，惟對落實興建時間表一事仍未有正面回應。

「政府好多年前已經規劃咗一個健康診所，但嗰陣話將軍澳南人口唔夠，所以喺6、7年前變咗做臨時公園，當時講明話臨時5年，到依家乜都過晒啦，都仲未見政府守信用起番健康院！」西貢區區議會地區設施管理委員會委員簡兆祺表示，政府早年已將唐明街一幅官地規劃為健康院，但擾攘多年後卻被建成唐明街休憩處，不滿當年聲稱為「臨時性」的安排至今仍改劃無期，健康院興建時間表更加欠奉，令區內居民苦等多年。

簡又謂，隨着多個新屋邨及私人屋苑相繼落成，將軍澳南區人口已不斷澎漲，當中更不乏長者，認為僅靠設於將軍澳北寶寧路及寶林的門診無法應付需求，要求當局盡快落實興建健康院，認真回應居民訴求。