博康停車場有位唔出租　房署無視需求

沙田博康邨停車場樓高6層，提供約400個車位，雖然高層車位常有空置，房署卻拒絕租用申請。「時租位要大時大節至有機會泊滿，平日上高嗰幾層都係吉嘅，點解唔加多啲月租位？」博康邨住戶周先生近日擬租用該邨月租泊位，職員卻以額滿為由拒絕申請，並聲稱要待至年底才接受明年申請。不過，周曾多次到停車場查看，發現場內仍有大量空置車位，不滿房署寧丟空車位亦拒絕供居民租用，「搞到我要焗住泊時租位，但真係好貴，依家唯有租住對面乙明邨先，其實我哋條邨又唔係冇位，點解有位都唔租畀人！」

記者曾以居民身份向停車場職員查詢，職員指場內月租車位現已全數租出，並有逾30人輪候，需待現有月租租戶離場才可換上新租客，並坦言「輪到你嘅機會好微」。另外，記者亦曾於早、晚時分到停車場視察，發現連天台在內共6層停車場中，只有地下及1樓較多車輛停泊，樓層愈高，空置的車位亦愈多，天台更是全層空置。

「房署話要留番啲時租位畀訪客，但時租通常都係朝早先多人用，呢度啲車位又冇劃位，好多時月租客朝早出咗去，可以做番時租，所以根本就冇問題！」當區區議員陳國添狠批房署處事僵化，未有按實際需要靈活安排車位，要求當局檢討現有時租及月租車位比例，解決泊位需求的同時，亦可善用資源增加收入，「啲車位丟空喺度冇人泊根本就係浪費，不如租埋出去，等政府有多啲收入。」

房署發言人證實上述停車場約有400個車位，包括300多個月租車位及100個時租車位，當邨居民可優先租用，並認為過去3年的車位安排整體已可滿足需要，而於去年截止日期前申請今個年度月租車位的申請人亦全數獲得車位。不過，發言人承認，近月發現月租車位需求有增加趨勢，至今累積約30份月租車位申請，會因應停車場使用情況，陸續作出適切安排。