網民熱話：學生謝師宴　家長不請自來

學期完結，本港不少學校會舉辦謝師宴，讓一眾學生答謝老師教導。但有90後老師在網上社交網站指近數年有家長全家總動員「不請自來」，出席子女的謝師宴，校方最終需要求家長離開。有網民坦言部分家長「好似直昇機咁，個細路去邊都跟住晒」，「怪獸家長非浪得虛名」。

該名聲稱90後的老師網民在社交網站談論，有家長全家出席子女的謝師宴話題，表示數年前已有家長不請自來，故通告早已列明「只限教職員及學生參加，若家長想參加學校活動可參與家教會日後聚餐」，惟今年的謝師宴卻有家長闔府統請地拉隊前來。

話題放上網後，隨即有人附和，有網民指此事難以想像，90後老師請家長離開後，可能他們會在外面「開一圍」食飯，不願離開子女10呎範圍，亦有網民笑言是否家長亦想前來謝師宴，答謝老師教導之恩。

網民有話說

Christine Li：有位坐咩？叫晒成家人嚟食會抵D？怪獸家長浪得虛名......

Ellean Lui：當咗係親子活動

陸沛西：你教幼稚園？定D家長仲以為佢哋D仔女讀緊幼稚園？

Hei Lo：可能D家長以為自己去緊聯誼會？！