SUN揭秘：救星變剋星　不幸哥與動物無緣

「我乜嘢動物都鍾意，試過養唔同動物。」現年52歲的阿田，一家5口居住在屯門虎地下村村屋，每日與野生動物為鄰。上星期，他搖身一變成為「動物救星」，拯救1隻瀕危貓頭鷹。雖然成功救回貓頭鷹，但救不了自己飼養的動物。喜愛動物的阿田曾收養過流浪狗，飼養兔子、烏龜、了哥，甚至鰂魚，但命運似乎與他開玩笑，這些他視作的寶貝寵物最終因不同原因離他而去。面對生離死別，但這名「不幸哥」卻沒有太傷感，只有慨嘆一句，「緣分嚟嘅。」

「嗰晚8點幾，我突然聽到『嘭』一聲，我即刻係屋走出嚟，見到隻貓頭鷹。」人稱阿田的男戶主，在熱帶風暴「鯨魚」掠過香港期間，發現1個不請自來的「貴賓」，1隻約30厘米高的受傷貓頭鷹空降他家前的空地，懷疑因右翼受傷加上被雨淋濕，多次拍翼圖振翼高飛都未能成功，他苦無辦法協助，惟有報警，最終由愛護動物協會將貓頭鷹接走，送往在嘉道理農場接受治療。

阿田居住的虎地下村，位於屯門鄉郊地方，每日都與動物為鄰，對於有蛇蟲鼠蟻甚至野生動物入侵早已見怪不怪，「我住喺呢度10幾年，經常有青竹蛇、蜈蚣、烏龜、野貓甚至野豬喺我屋企出現。呢度附近有動物唔出奇，除咗會打死啲蜈蚣外，其他動物只要唔傷害人，我都唔會去趕佢哋。」

退休前任水務工人的阿田外表粗獷，但就擁有1顆赤子之心，愛心滿瀉，多年來收留過不少流浪小動物，「乜嘢動物我都鍾意！我收留過流浪狗、兔仔、了哥、烏龜，魚都有！不過今次隻貓頭鷹係受保護動物，我唔敢收養。」憶起他心愛的小動物，阿田面露笑容，手舞足蹈，「我喺屋企出面空地養佢哋，就算係兔仔、烏龜，我都會任由佢哋周圍走。」

雖然喜愛動物，但往往天意弄人，阿田每次收養的動物都因不同理由離開他，現時只餘下1隻10厘米長的烏龜陪着他，「收養過3隻流浪狗，3隻都生滋死晒，搞到我唔敢再養狗；今年年頭養嘅兔仔，交畀朋友照顧幾日，最後走失咗；養過了哥，又飛走咗；仲有烏龜畀人偷走，養嘅鰂魚畀人落農藥毒死。」

雖然如今阿田已不敢再養動物，但如果有其他小動物再入侵他的居所，他仍會欣然收留。面對動物離他而去，他亦處之泰然，只能慨嘆一句，「呢啲係緣分嚟，佢哋要走嘅始終都要走。」