巴士亂埋站上落客　視障人士上車難

「我明明企喺個站頭等車，但架車又成日唔喺排隊等個位開，下下要落1級去馬路、再行一段路先上到車，點解個安排咁差？」朱先生為視障人士，間或會乘搭九巴102號線往返美孚巴士總站，發現巴士經常未有在正確位置上、落客，為此大感不便，「舊年年尾已經同運輸署投訴過，佢哋都話有問題，但一路都冇改善！架車唔單止成日唔喺畀人排隊個位上客，仲要次次落客都唔同位，我落車之後都唔知自己去咗邊，如果有石級分分鐘仆死我！」

記者於採訪當日便邀約朱先生在美孚總站內的102號線站頭見面，卻遲遲未見蹤影，最終發現朱站在86線的月台呆等，「我今日都係搭102過嚟，一落車就企咗喺度，我睇唔到嘢，所以唔知自己喺邊！」另外，記者又發現部分巴士月台如6C及102號線屬雙線月台，兩線均有巴士停泊，但開出的巴士卻位於外線，乘客需走出行車路登車，亦有人疑因未看到巴士開出而錯過班次。

九巴發言人證實，事發當日因車務調動安排，102號線所屬月台臨時停泊其他線的巴士，遂安排巴士停在就近月台，方便乘客下車，已提醒職員盡量將巴士停泊在所屬月台內，並於傷健人士及其他有需要人士上落車時多加留意及體諒，有需要時提供協助。

運輸署發言人則承認，去年12月已接獲相關投訴，即時要求巴士公司跟進，同月亦曾派員視察，發現有個別車長未有於指定位置上落客，已要求巴士公司即時糾正，而九巴於今年3月亦已重組站內巴士路線的停泊位置，並將班次較頻密的102線調至有雙線行車闊度的月台，以增加泊車空間。

「今年2月呢個巴士總站先發生巴士撞死婆婆嘅意外，部門同巴士公司都應該睇緊啲！」深水埗區區議員張永森認為，政府雖強調要打造無障礙社會，卻因未能有效實踐而淪為口號式空談，要求巴士公司及運輸署定期作巡查，確保巴士上、落客位置正確，若發現違規情況，應加以處罰，以保障市民安全。